VIGAN CITY – Maawaten dagiti agtaltalon iti nababbaba ngem ti maysa nga ektarya inton May 19 agingga 20 ti pinansial a tulong kadakuada.
Inton May 19 iti agsapa ti schedule ti panagiwarasan idiay Aggay, An-annam, Balaleng, Buquig, Bulag, Cabalanggan, Cabaroan, ken Cabusligan idinto a ti malem ket idiay Capangdanan, Guimod, Lingsat, Malingeb, Mira ken Naguiddayan.
Kabayatanna, no May 20 ket isu met ti schedule ti Ora, Paing, Puspus, Quimmarayan, Sagneb ken Sagpat ket iti malem met ti schedula ti San Isidro, San Julian, San Mariano, Taguiporo, Taleb ken Tay-ac.
Rumbeng a dagiti mapan umawat ket mangitugot ti orihinal ken Xerox copy ti valid ID-da, ag-facemask ken sumurot iti social distancing tapno maliklikan ti COVID19.
Saan a masapul ti proxy malaksid laeng kadagiti senior citizen ngem rumbeng nga adda ti certification-da manipud iti pudno a benepisyaryo.
