VIGAN CITY – Maragsakan ni Ilocos Sur 1st District Congressman Ronald Singson ta naipanamnama a matulungan dagiti ancestral houses a naapektaran gapo iti napasamak a gingined.
Iti pannaki-uman ti Bombo Radyo Vigan kenni Congressman Singson, agturong to isuna nga insigida inton lunes iti opisina ni House Speaker Martin Romualdez ta iyuman iti nasao a tulong pakairaman dagiti dadduma nga umili a naapektaran ken nadadaelan iti pagtaenganda.
Saan laengen a dagiti ancestral houses iti nakaro a nadadael no ketdi pakairaman dagiti umili a marigrigat a saandan a kayat a maibangon dagiti pagtaenganda.
Immandarnan iti opisina iti district engineer a makitinnulong kadagiti Local Government Units a mangkita kadagiti nadadael a balay.
Mangnamnama ni Congressman Singson a mapatgan ti kiniddaw na kenni Speaker Romualdez nga immunan a nagkari a mangilatang iti pondo para iti pannakaisimpa dagiti ancestral houses.