Impasigurado iti gobierno ti Nigeria iti pannakaipaay iti tulong iti pamilia dagiti nagbalin a biktima iti bimtak a fuel tanker kalpasan iti panagbaliktadna iti expressway idiay Jigawa State idiay Nigeria.
Iti pannaki-uman ti Bombo Radyo Vigan ken ni Bombo International News Correspondent Daniel Galadima manipod Nigeria, numan pay awan iti pagilianda ti presidente ket nagsaritan ti bise presidente para iti pannakaipaay iti insigida a tulong kadagiti naapektaran nangruna kadagiti kameng ti pamilia dagiti biktima.
Segun ken ni Galadima, kalpasan iti pasamak ket immunan a nabilin ti Nigerian Association of Doctors tapno bilinen dagiti doktorda a makitinnulong para iti pannakasalbar dagiti umili a nadundunor.
Patien ni Galima a gapu iti kinabayagen nga agbibiahe ti fuel tanker iti rason nu apay a bimtak ta nabuntog iti panagpatarayna.
Nupay kasta, saan a maikkat para kadakuada a posible nga inrisgo iti biag dagiti umili iti panagala ti produkto idi nagbaliktad ti tanker ta nangina ita iti presyona a makatulong kadakuada nu mailakoda kagiddan ti scarcity iti pagilianda.
Iti agdama ket umaboten iti sangagasut limapulo ket tallo iti natay idinto nga adu iti nadundunor iti nasao nga insidente.
VIDEO – BINC DANIEL GALADIMA
