VIGAN CITY – Inpasigurado ni Agriculture Secretary William Dar a nakasagana dagiti tulong nga ited da kadagiti mannalon a maapektaran ti nepnep, bagyo wennu anya pay a klase ti didigra.
Ti pannaki-uman ti Bombo Radyo Vigan ken ni Dar, naibaga na a nu anya dagiti nakasagana a tulong para kadagiti mannalon ket manayunan to pay kabayatan iti panangidaulo na iti ahensya.
Kayat na a malaksid ti financial assistance a maited kadagiti mannalon a nakapa-insured ti mula na iti salinong ti Philippine Crop Insurance Corporation, adda pay iti maited a bin-I ken dadduma pay a farm inputs nga usaren dagiti mannalon iti baro a cropping season.
Inlawlawag na a saan laeng a dagiti mannalon iti tulungan ti ahensya nu di ket karaman dagiti adda iti fishery, livestock ken poultry sector tapnu sangsangkamaysa a dumur-as dagiti masakupan ti agriculture sector.
