Sinitar ni Senator-Judge Erwin Tulfo ni dati nga Office of the Vice President Special Disbursing Officer Gina Acosta gapu iti panangibagana a marigatan nga agsarita iti Tagalog ken kiniddawna a Bisaya ti maaramat iti trial.
Impakita ni Tulfo ti transcript ti panagdengngeg idi iti Kongreso, ta naannayas met a simmungbat ni Acosta iti Tagalog ken English.
Gapu dayta, kwinestion ni Tulfo no apay a kasla marigatan nga ag-Tagalog ita ken kiniddawna ken ni Presiding Officer Francis “Chiz” Escudero nga aramaten ni Acosta ti Tagalog.
Kabayatanna, kiniddaw ni Escudero ken ni prosecutor Amando Ligutan nga agaramat laeng iti maymaysa a pagsasao, nasaysayaat no Filipino, iti panagsaludsodna tapno mapadaras ti trial ken maliklikan ti kanayon a translation.
