Pagpalpalawagen ni Senador Erwin Tulfo ti Department of Health mainaig iti saanda a panangted iti guarantee letter kadagiti marigrigat a pasyente uray no iti pampubliko nga ospital a maag-agasanda.
Segun ken ni Tulfo, sumagmano kadagiti indibidual ti nagkiddaw iti tulong iti opisinada ken pinagturongda iti DOH tapno mangala ti guarantee letter ti pinagsublida iti isu met laeng nga aldaw.
Agbalaw ni Tulfo no apay a naibusen ti pondo, numan pay umdas met ti naaprubaran babaen iti bicameral committee ti Senado ken Kongreso para iti Medical Assistance to Indigent and Financially Incapacitated Patients Program-da.
Patien ti senador nga awanen ti kuarta ti DOH gapu iti reklamo kadagiti pribado nga ospital iti Region IV-A, nangruna idiay Batangas mainaig iti P530 million nga utang ti ahensia kadakuada.
