Impasigurado ni Senador Raffy Tulfo ti kinasagana dagiti ahensia ti gobierno no bilang kumaro ti rinnupak iti Middle East.
Dayta ket mainaig iti impaayab a taripnong ni Tulfo iti nagbaetan ti Department of Migrant Workers ken Overseas Workers Welfare Administration ket napagpapatangan ti pannakaidatag ti contingency plan ken ti agdama a sitwasion dagiti OFW nga adda kadagiti pagilian a naapektaran.
Segun ken ni Tulfo, naipasigurado kenkuana a nakasagana ti DMW, OWWA, Department of Foreign Affairs, Armed Forces of the Philippines ken dadduma pay a kangrunaan nga ahensia no bilang kumaro ti rinnupak.
Agtultuloy ti pannakikammayet ti DMW kadagiti ahensia ken konsulado ti Pilipinas iti Middle East tapno masigurado ti kinatalged ken kasasaad dagiti OFW.
