--Ads--
Ti latta tuberculosis ti kangrunaan a makapatay a makaakar a sakit iti intero a lubong, ta mapatta-patta a 1.23 milion a biag ti napukaw idi 2024.
Segun iti World Health Organization, mapatta-patta a 10.7 milion a tattao ti nagsakit iti tuberculosis idi 2024, agraman ti 5.8 milion a lalaki, 3.7 milion a babai ken 1.2 milion nga ubbing.
Numan pay bimmaba iti 3 percent ti bilang dagiti natay ken bimmaba iti 2 percent dagiti kaso ngem idi 2023, nagballaag latta ti WHO iti mapapati a nakapsut a pananglaban iti sakit kas ti kinakurang iti pondo.
Innayon ti WHO a maliklikan ken maagasan ti tuberculosis, a masansan nga apektaranna ti bara, ken agwaras babaen iti angin no aguyek wenno agbaen ti agsagsagaba iti daytoy a sakit.
-- ADVERTISEMENT --
