Nagun-od ni President Ferdinand Marcos Jr. ti kangaroan a trust ken satisfaction ratings iti kaudian a survey nga insayangkat ti OCTA Research Group.
Manipod iti 60% idi Abril ket ngimmato ti trust rating ni President Marcos iti 64% iti survey a naisayangkat manipod July 12 agingga 17.
Kadagiti saan nga agtalek ken ni Pres. Marcos ket bimmaba iti 23% idinto a dagiti saan a makadesisyon ket bimmaba manipod 18% ket nagbalinen a 16%.
Uray ti satisfaction rating ti presidente ket ngimmato ta manipod 59% idi Abril ket nagbalinen a 62% idi Hulyo.
Dagiti saan a satisfied iti performance na ketr nagbaliw ta manipod duapulo a porsiento ket nagbalinen a sangapulo ket siam a porsiento idinto a dagiti saan a makaikeddeng ket bimmaba iti dua a puntos manipod duapulo a porsiento ket nagbalinen nga 18%.
Kabayatanna, nu maipanggep met ken ni Vice President Sara Duterte ket bimmaba ti trust ratingna ta manipod 59% ket nagbalin laengen a 54% idinto a dagiti saan nga agtalek kenkuana ket nanayunan ta manipod ti dati a 19% ket nagbalin a 23%.
Ti nabatbati a 23% ket saan a makaikeddeng, nga arigna maipada met laeng iti 22% idi April survey.
Iti resulta ket bimmaba ti satisfaction ni VP Sara iti innem a porsiento ta manipod 56% ket nagbalinen a 50%.
Dagiti dissatisfied ti performance-na ket nanayunan ta manipod 20% ket nagbalinen a 25%.
