Impakita ti survey nga inruar ti Social Weather Station (SWS) a ngimmato ti trust rate ni President Ferdinand Marcos Jr. ti 10 a porsiento a puntos.
Manipud ti 38 a porsiento idi Mayo ket nagbalin a 48 a porsiento idi Hunyo, a mangipakita iti dakkel a panagsubli ti talek manipud iti nababa a rating idi napan a tawen.
Manipud 64 a porsiento idi Hulyo 2024, bimmaba ti panagtalek iti 57 a porsiento idi Setyembre iti dayta a tawen, ken ad-adda a bimmaba iti 36 a porsiento idi Abril 2025.
Nangrugi a nagsubli dayta babaen ti bassit a panagngato iti dua a puntos idi Mayo maibasar iti survey a naisayangkat kadagiti 1,200 a Filipino adults iti intero a pagilian manipud Hunyo 25 agingga 29, 48 porsiento ti nangiyebkas iti dakkel a panagtalek iti presidente.
