Nagpangta ni US Pres. Donald Trump kontra iti Iran ta inikkanna iti dua nga aldaw tapno luktan manen ti Strait of Hormuz wenno dadaelen iti Amerika dagiti plantada iti kuryente.
Impaganetget ni Trump a dadaelen ti militar ti Amerika dagiti power grid iti Iran, manipod iti kadakkelan, no saan a maipalubos iti panagdalan dagiti barkoda iti uneg iti uppat a pulo ket walo nga oras.
Ti nasao a tensyon ket nagtaud iti de facto blockade iti Iran iti nasao a paset a pagdaldalanan iti duapulo a porsiento iti langis iti intero a lubong a gappuanan iti panagpangato ti presyo iti nasurok $100 kada bariles.
Kas bales, nagballaag ti military iti Iran a targetenda dagiti energy ken desalination infrastructure iti Amerika iti rehiyon no ituloy ni Trump iti pangtana.
Iti baet iti panagpangato iti presyo iti krudo ken magatang ket tinagibassit ni Trump ti pateg ti Strait of Hormuz iti US ket kinunana a ti nangato a gatad iti langis ket bassit a sakripisyo para iti world security.
