--Ads--
Inkalintegan ni US President Donald Trump ti panangideployna kadagiti National Guard idiay Los Angeles.
Segun ken ni Trump, awan serbina dagiti agtaktaem idiay California a da Governor Gavin Newsom ken Los Angeles Mayor Karen Bass gapu ta saanda a makontrol dagiti tattao.
Dimmepensa met ni Mayor Bass a kunana ket agtaltalnada laeng ken nagbalin a nagulo ti naiwayat nga immigration raids ta dagus a kinemmegda lattan dagiti tattao a nagresulta iti protesta.
Umabot iti 100 a tattao ti nakemmeg dagiti kapulisan idiay Los Angeles gapu iti panangdadaelda kadagiti pasdek ti gobierno.
-- ADVERTISEMENT --
Desidido ni Newsom nga agipila iti kaso kontra ken ni Trump gapu ta saan nga impakaammo ni Trump kadakuada nga agideploy iti National Guard.
