Imbabawin ni United States President Donald Trump ti plano nga i-livestream ti panangbitay ken ni dati a US Army psychiatrist a ni Nidal Malik Hasan, a nasentensyaan iti panangpapatayna kadagiti 13 nga indibidual idiay Fort Hood, Texas, idi 2009.
Segun ken ni Trump, immuna a napanunotna nga agserbi a ballaag kadagiti terorista ti panangipatangatang ti execution, ngem nagdesision a makanselar kalpasan a nababalaw ken kimmontra dagiti agpampanday-linteg ken lider ti relihion.
Nupay kasta, naituding latta inton Disyembre 3 ti execution ni Hasan babaen iti firing squad, ken personal a maimatangan daytoy dagiti kabagyan ti biktima no bilang ta kayatda.
Ni Hasan ket nasentensyaan iti panangpapatayna kadagiti tallo a suldado ken panangdangran kadagiti 32 a sabali pay iti pammaltog idiay Fort Hood idi 2009, ken ti naituding nga execution ti agbalin a kaunaan a military execution idiay Amerika manipud 1961.
