VIGAN CITY – Pinasingkedan batallion commander ti 81st batallion ti Philillpine Army a nakabase idiay Sta. Cruz, Ilocos Sur a kameng ti New People’s Army iti nang-uram ti truck ti Philip Morris Fortune Tobacco Company idiay Brgy. Bulala, Salcedo.
Segun kenni LT. Col. Julio Osias , pinababa dagiti lima nga armado a lalaki ken maysa a babai a nagpabigbig a kameng ti NPA ti driver ken pahinante ti truck ket inagaw da ti lugan ngem kabayatan iti panagbiyahe da ket nailubo ti lugan iti napitak a kalsada.
Nairana a limmabas iti maysa pay a truck a kukua met laeng ti kompanya ket pinababa da ti driver ken pahinante ta isu iti immakaran da ket inbati da iti immuna atruck iti kapitakan ket idi nakadanun da iti sitio lipit iti nasao a barangay, ditan nga inuram da ti lugan.
Patien ni Osias a kayat laeng nga iparikna ti rebelde a grupo iti presensiya da agsipud ta segun ti PMFTC ket awan iti dinawdawat ti grupo kadakuada.
Naammuan a dagti truck ket napan nagdeliver ti libre a ganagan kadagiti mannalon ti tabako iti nasao nga ili .
Gapu iti napasamak, insardeng ti PMFTC iti panagpatulod ti ganagan ti lugar isu a dagiti mannalon iti mapan iti bodega ti kompanya idiay Sta. Cruz tapno alaen dagti libre a ganagan.
