--Ads--
Pinasingkedan ti Department of Migrant Workers a maay-aywanan a nasyaat bayat a maim-imbestigaran dagiti duapulo a Filipino seafarer ti Norwegian-flagged bulk carrier MV Lunita a nakemmeg idiay South Korea gapu iti panangitugotda iti mapapati a cocaine.
Segun ken ni Migrant Workers Usec Felicitas Bay, adda iti natalged a kasasaad dagiti tripulante ken agtultuloy a maipapaay no ania ti karbengan, alokasyon, sueldo, suplay ti taraon ken dadduma pay a kangrunaan a kasapulanda.
Innayon ni Bay a ti shipping agency ti nangted iti Filipino interpreter ken dagiti abogado ken ti maysa a mangibagi iti Migrant Workers Office a nakadar-ay iti barko.
Mangted pay ti opisina iti maysa a collaborating counsel para kadagiti Filipino crew.
-- ADVERTISEMENT --
