Nakasagana a sumango ni dati a Senador Antonio Trillanes IV iti imbestigasion ti Senado mainaig iti maipagarup a welfare check ken ni dati a Presidente Rodrigo Duterte.
Insingasing ni Trillanes a tapno saan a masayang ti oras dagiti senador iti maisayangkat nga imbestigasion ket nasaysayaat laengen a direkta a damagenda ni Duterte no nakapatangna idi napan iti International Criminal Court (ICC).
Innayon pay ni Trillanes nga adda met 24/7 access iti telepono ni Duterte isu a nadaras pay a makikammayet ti senado iti pamiliana no adda ti kastoy a napasamak idi bimmisita isuna.
Pinaglibakanna pay a saan isuna a nadutokan tapno agisayangkat iti welfare check iti dati a presidente ta narigat ti sumrek iti detention center gapu kadagiti nainget a pagannurotan ti ICC.
