Pinalagipan ni Ricky Nusog, Designated Business Permit and Licensing Officer iti ili ti Narvacan dagiti tricycle owners ken operators inaig kadagiti kasapulan a requirement para iti maisayangkat a Tricycle Parking Permit and Franchise Renewal inton January 15 agingga February 6.
Iti pannaki-uman ti Bombo Radyo Vigan ken ni Nusog, dagiti mangala iti tricycle parking permit ket nasken nga agitugot iti OR/CR ti lugan, cedula ken driver’s license.
Para met kadagiti agpabaro iti prangkisana ket masapul ti barangay clearance ti akinkukua ti prangkisa ken TODA certificate.
P320 ti bayadan para iti parking permit – P200 para iti tricycle parking; P50 para iti secretary’s fee; P50 para iti garbage fee; ken P20 para iti sticker idinto a P320 met laeng kadagiti ag-renew.
Dagiti saan a nakapan iti naituding nga schedule ti barangayda ket mabalindanto laengen ti mapan kalpasan iti February 6 ta saanda a mabalin nga isingit kadagiti naka-schedule.
Para iti schedule ket bisitaen laeng ti Facebook page ti Municipality of Narvacan – Public Information Page.
