VIGAN CITY – Maysa a transparent heat sealed plastic sachet a naglaon iti mapapati a shabu a nagserbi a buy-bust item ken lima gasut a pisos a marked money iti naala dagiti nagtitipon a puwersa dagiti pannakabagi ti linteg a nangiwayat iti buy-bust operation kontra ti maysa a lalaki nga agtawen ti lima pulo ket tallo idiay Barangay Mabayag, Galimuyod idi alas otso y media iti rabii idi kalman, October 3.
Nabigbig ti suspek a ni Jerome Guerrero, naasawaan ken maysa a tricycle driver nga agnaed idiay San Isidro, Candon City.
Malaksid ti maysa a transparent heat sealed plastic sachet a naglaon iti mapapati a shabu a nagserbi a buy-bust item a nalaa ken ni Guerrero, adda pay iti naala dagiti pannakabagi ti linteg nga ikot na a tallo a transparent heat sealed plastic sachet a naglaon iti mapapati a shabu.
Agsipud iti dayta, naikustodiya ti suspek ken dagiti naala kenkuana nga ebidensiya idiay Galimuyod municipal police station nga isu ti lead unit iti nasao nga operasyon ket maisagsaganan iti kaso a sangwen na.
