Tricycle driver, nakemmeg iti buy-bust operation

Nakemmeg ti maysa a drug suspect iti naiwayat a buy-bust operation iti Barangay Taleb, Bantay, Ilocos Sur.

Ti suspek ket agtawen iti uppat a pulo ket uppat, tricycle driver, agnaed iti Barangay Sinabaan.

Nakumpiskar kenkuana ti nasurok-kumurang 0.437 a gramo ti mapapati a shabu nga aggatad iti P2,971.60 a naikabil iti 3 a piraso a heat sealed transparent plastic sachet.

Dagiti non-drug evidence ket pakairamanan ti maysa a P1,000, sling bag, P275, pitaka, belt bag, aluminum foil, ken traysikel.