VIGAN CITY – Agtultuloy pay laeng iti imbestigasyon dagiti kameng ti Bantay municipal police station iti pammagkong a napasamak idiay Baragay Cabaroan, Batay idi alas syete kwarent y singko idi rabii, November 24.
Naitaray idiay Metro Vigan Cooperative Hospital ti biktim a ni Roque Corpuz nga agtawen ti uppat a pulo ket dua, naasawaan, tricycle driver ken agnaed idiay Cabaroan, Bantay ta binagkong ti kalugaranna a ni Jeffrey Reyes nga agtawen ti tallo pulo ket uppat a pada na a tricycle driver.
Adda idiay barangay plaza ti biktima ta nagtaya ti Small Town Lottery idi immasideg iti ayan na ti suspek ket binagkong na ti biktima a nakatamaan iti akin-kannigid a paset iti bagi na.
Intaray ti kayong na ti biktima idiay ospital idinto a ti suspek ket kinemmeg dagiti nagresponde a kameng ti Bantay PNP.
