Maisagsaganan ti kaso a Theft a sangwen ti maysa a tricycle driver a nagtakaw iti dua a cellphone iti Tamag, Vigan City, Ilocos Sur.
Dagiti biktima ket maysa a babai nga agtawen iti innem a pulo ket maysa ken ti maysa nga agtawen iti duapulo ket tallo nga agpada nga agnaed iti nasao a lugar.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., dagiti natakaw ket pakairamanan ti maysa nga Apple Iphone 12 Pro Max nga aggatad iti P39,990 ken maysa a Black Samsung A12 nga aggatad iti P9,990.
Maibasar iti CCTV footage, magmagna dagiti biktima ta adda dimmagasanda nga store idinto a dagiti cellphone ket imbulsa ti biktima nga estudiante.
Nadlaw ti biktima nga awanen dagiti cellphone isu a nagpatulongda kadagiti pannakabagi ti linteg ket naduktalan nga inlibas ti suspek nga innala dagiti cellphone manipud kadagiti biktima a sinarunona a nagna.
Datin nga adda kaso ti suspek iti panagtakaw ngem nakapiansa.
Manarimaan ti panangmonitor dagiti pannakabagi ti linteg kadagiti pagpasimpaan iti cellphone ta iti agdama ket saanda pay a narekobre dagiti tinakaw ti suspek.
