Posible nga agbalin a kapautan nga impeachment trial iti pakasaritaan ti trial kontra ken ni Vice President Sara Duterte kas pinasingkedan ni Senate Secretary Renato Bantug.
Maibasar ti patta ti impeachment clerk of court, posible nga umabot iti pito a bulan ti trial, ta tallo nga aldaw kada lawas ti target nga schedule iti trial.
Ti pito a bulan a projection, kinuna ni Bantug ket nakabasar iti siam a pulo ket dua a trial days ti kiniddaw ti House Prosecution Panel ken tallopulo nga aldaw ti kiniddaw ti Defense Panel tapno maipresentar ti dua a biang ti ebidensyada ken dagiti testigo.
No pay kasta, posible a mapabassit ti proseso no ad-adu ti witness ti maipresentar kada aldaw.
No ikumparar kadagiti naglabas nga impeachment trial, umabot laeng iti uppat a pulo ket uppat nga aldaw ti trial ken ni dati a Chief Justice Renato Corona idi 2012.
