VIGAN CITY – Naisayangkat ti tree planting babaen kadagiti residente iti Pasung-ol, Santa kagiddan ti selebrasyon ti Harbor Day.
Segun ken ni Barangay Captain Bong Cacho, nasurok dua gasut ti nakipaset iti aktibidad pakairamananen dagiti kameng ti Philippine Coast Guard.
Kas maysa nga agnaed iti nasao a lugar, ket makitana ti sitwasyon ti lugar tunggal adda didigra gapu ti kinaawan dagiti kayo a mangliklik koma iti layus isu a napanunotanna a maaddaan iti kastoy nga aktibidad.
Dua a tawenen nga agkidkiddaw ni Cacho iti seedlings ngem saan a naaprubaran ket kalpasan manen ti dua a bulan a panagkidkiddawna, nag-post ni Brgy. Capt. Cacho iti social media inaig ti ganuatna.
Gapu dayta, tinulongan met isuna ni Atty. Bernadette Bello Espejo a makaala iti seedlings ken ni Provincial Board Member Christopher “Topeng” Baterina isu a nayuswat ti panagmula.
