Traysikel ken motorsiklo, nagdinnungpar iti ili ti Caoayan

VIGAN CITY – Uppat ti nadunor iti panagdinnungpar ti traysikel ken motorsiklo idiay Barangay Callaguip, Caoayan.

Ti traysikel ket minaneho ni Sherwin Reg, agtawen iti uppat a pulo ket pito, negosyante, ken ti pasaherona a ni Emalyn Rabaca nga agpada a taga-Barangay Callaguip idinto a ti motorsiklo ket minaneho ni Ernesto Quiniola, agtawen iti innem a pulo ket innem, kinalubbonna ni Charita Quiniola, agtawen iti innem a pulo ket innem nga agpada a taga-Barangay Fuerte, Caoayan.

Agpapalaud a direkasyon ti motorsiklo ket idi nadanunna ti nakapasamakan ti insidente ket bigla a nagdinnungparda iti intersection.

Naipaagas dagiti uppat iti Ilocos Sur Provincial Hospital-Gabriela Silang para ti naan-anay a pannakatamingda.