VIGAN CITY – Narekobren ti tricycle a mapukpukaw kabayatan a nakaparking iti igid ti kalsada idiay ili ti Sta. Maria.
Nabigbig ti akinkukua ti tricycle a ni Jeremy Ignacio agnaed ti Brgy. Danuman West iti nasao nga ili.
Iti pannaki-uman ti Bombo Radyo Vigan kenni Remigio dela Cruz, nakaiparking ti igid ti kalsada ti naglugananda a tricycle ngem idi nagsublida ket awanen ti lugan.
Aklonanen ni dela Cruz a nabatina ti tulbek ta natalek nga awan iti mangalata naranniag ti aglawlaw ti kalasada.
Kabayatan iti pannaka interviewna ti Bombo Radyo Vigan nakaawatda ti tawag a ti tricycle a mapukpukaw ket adda idiay Brgy. Lubong West iti nasao nga ili.
Segun kenni Barangay Kagawad Mary Grace Dumalanta, nangeg da ti Bombo Radyo ti mapukpukaw a tricycle iso nga impakammuda nga insigida.
Ti tricycle ket inwayawid ti maysa a kalugaranda a lalaki nga adda iti parikot iti panunutna.
