Ipapaikkat ni Senador Erwin Tulfo ti panagbayad iti travel tax a patienna a manglapped iti karbengan ti panagbiahe dagiti Pilipino.
Iti naipila a Senate Bill No 1409, gagemna a maikkat ti travel tax kas maitunos iti ASEAN Tourism Agreement a pinirmaan ti Pilipinas idi 2002.
Bigbigen ti senador ti sangapulo ket uppat a tawenen a napalabas sipud pinirmaan ti Pilipinas ti nasao a katulagan, ngem agingga ita ket maik-ikkan pay laeng iti travel tax dagiti agbiahe a rummuar iti pagilian.
Ipasigurado ti gakat a ti panagbiahe dagiti Pilipino ket agbalin a patas, accessible ken nainkalintegan ti presiona.
Mamati ti senador a ti panangikkat iti daytoy a lapped ket wagas tapno mapapigsa ti sektor ti turismo iti pagilian a kabaelanna ti makigiddan kadagiti kabangibang a pagilian iti Southeast Asia.
