VIGAN CITY – Patien ni Anakalusugan Partylist Rep. Mike Defensor a dakkel a tulong ti bilin ni Presidente Rodrigo Duterte a travel ban idiay China, Hong Kong ken Macau uray nu naladaw iti pannakaideklerar na kontra iti panagwaras ti novel coronavirus.
Ti pannaki-uman ti Bombo Radyo Vigan ken ni Defensor, binallaagan na dagiti agar-aramid iti linoloko ken inaangaw iti kangitingitan iti nasao nga isyu ta agsardeng dan ta iti panagwaras iti nasao a sakit ket maibilang a parikot iti intero a lubong.
Innayon na a liklikan iti diskriminasyon tapnu saan a mapasaktan iti rikna dagiti Chinese nationals nga adda ditoy pagilian nangruna ket adu dagiti Pilipino nga adda idiay China.
Inpalagip ni Defensor a masapul a panunoten iti interes ti kaaduan ken maliklikan ti panagwaras ti fake news nga isu ti mangitunda ti panagbuteng ti publiko ken insingasing ti pannakikaysa ti umili tapno malabanan ti nasao a sakit.
