Iti naisayangkat a nationwide transport strike, nangidatag ti gobierno ti libre a sakay ket naipasigurado nga awan ti nairekord a na-stranded a pasahero ngem napadasan latta dagiti sumagmamano a commuter ti rigat ken pannakaitantan ti biahe.
Pinasingkedan ti Metropolitan Manila Development Authority nga agtaltalinaed a normal ti daloy ti trapiko ket awan ti na-monitor a na-stranded a pasahero.
Segun ken ni MMDA General Manager Nicolas Torre III, maymaysa laeng a grupo ti nakipaset iti transport strike isu a saan a nagkasapulan nga mangideploy ti emergency vehicles.
Nakasagana met dagiti dadduma nga ahensia ti gobierno ken lokal a gobierno a mangted ti emergency transport no kasapulan usar ti maymaysa a dispatch system tapno agbalin a nasayaat ti koordinasion.
