Binabalaw ti transport group a Manibela ti gobierno gapu iti panangipasardengda iti programa a fuel subsidy, uray no marikna dagiti drayber ken operator ti dyip ti maikadua a tukad ti panagngato ti presio ti petroleo ita a lawas.
Dayta ket kalpasan ti panangiwaragawag ni Presidente Ferdinand “Bongbong” Marcos Jr. a saanen a kasapulan nga iwaras ti fuel subsidy gapu ta bimmaban ti presyo ti produkto petrolyo.
Inkalintegan ni Manibela Chairman Mar Valbuena a saan pay laeng a daytoy ti pakakitaan iti presyo ti domestic fuel, isu a nasken a maited ita ti subsidiya.
Impasigurado ti Department of Transportation (DOTr) iti sektor ti pampubliko a transportasyon a sisasaganada a mangipaay iti subsidy iti gasolina no masungbatan ti kondisyon iti pannakai-activate na.
