Pinatibker ni President Ferdinand Marcos Jr. ti Financial Management Roadmap a mangsigurado iti naurnos ken transparent a panaggastos iti pondo iti gobierno.
Ti addang ket kalpasan nga impresentar ti Department of Budget and Management (DBM) ti Philippine Public Financial Management Reforms Roadmap 2024-2028 nga agserbi a blueprint iti polisiya ken transparency ti panagaramat iti pondo iti agduduma nga ahensya.
Segun ti presidente, gagem ti roadmap a matutokan ti napateg a serbisyo kas ti disaster response, healthcare ken social services.
Target pay a mapababa iti kinarigat ken mapainget iti koordinasyon iti tunggal sektor para iti resource management, capacity building, panagaramat ti teknolohiya ken nainget a pannakaipatungpal ti financial programs.
