VIGAN CITY – Plano ti City Government of Vigan babaen ti panangidaulo ni Mayor Bonito Singson iti pannakaipan iti tramvia iti siudad para iti panangpapigsa iti turismo.
Iti pannaki-uman ti Bombo Radyo Vigan ken ni Mayor Singson, ti nasao a tramvia ket siguradoenna a saan lapped para iti dadduma pay a transportasyon ta nu ania iti dumalananna ket madalanan met la ti dadduma a lugan.
Umabot iti tallopulo ket lima a tattao iti plano mailugan iti tramvia ket saan laeng a para kadagiti agpasyar ta mabalin pay kadagiti umili ken estudyante.
Segun ken ni Mayor Singson, nu bilang addanton ti tramvia ket nalaklaka iti plete para kadagiti umili, ket nu estudyante amangan nu librento payen idinto a nu kadagiti turista ket nangin-ngina iti masingir kadakuada.
Manarimaan pay laeng met iti panagadalda para kadagiti maapektaran a tricycle ta umabot iti tallo ribo a tricycle driver iti pagsapulanna iti siudad isu a gandat ti mayor a maaddandanto iti panankaitransfer iti trabahoda.
Inkarina a saanna a baybay-an isuda ta adu iti diaya ti lokal a gobierno para kadakuada a trabaho ken gatangenna dagiti tricycle.
