Plano ti Department of Justice (DOJ) ti mangipasdek iti DOJ Academy nga agserbi kas training institution para kadagiti piskal a makikammayet kadagiti international agencies.
Immanamong ti DOJ, US Bureau of International Narcotics and Law Enforcement (INL) ken ti International Development Law Organization (IDLO) a mangipasdek iti DOJ Academy ken mangbukel iti mentoring program para kadagiti prosecutor.
Ti IDLO ket maysa a global intergovernmental organization a mangidurduron ti rule of law para iti kappia ken panagdur-as a mangsungbat kadagiti agdama a kasapulan.
Kabayatanna, bigbigen ti Pilipinas ken Amerika ti kangrunaan nga akem dagiti natibker nga institusion ti piskal tapno mapagtalinaed ti panagtalek ti publiko ken masigurado ti umno a justice systems.
