Matuloy ti tradisyonal a panangiwaragawag ti Supreme Court ti Top 20 a nakapasa iti 2024 Bar Examination.
Dayta ti pinasingkedan ni SC Chief Justice Alexander Gesmundo kasaruno ti deklarasyon idi ti En banc a maiparit a mairuar ti marka ti maysa nga indibidwal iti Bar Examinations dagiti examinee nga awan ti pammalubos nga umuna kadagiti examinee.
Inlawlawag ni Gesmundo nga iti naaprubaran a Bar Matter No 4968, saan a mabalin nga ibutaktak dagiti personal information dagiti Bar examination takers kadagiti law school ta sensitibo ken personal nga impormasyon daytoy iti salinong ti Data Privacy Act.
Pinasingkedan ni Gesmundo nga agtalinaed ti dati a nakairuaman a kalpasan ti En banc session ket iwaragawag ti Chairman dagiti nakapasa ken nagturpos nga adda nangato a gradona.
Ti resulta ti 2024 Bar Exam ket mairuar inton bigat, December 13.
