Ngimmato iti 12 percent ti trade deficit ti Pilipinas wenno katukad iti $4.94 billion idi Hunyo 2026 no yarig iti isu met laeng a bulan idi napan a tawen, kalpasan a napaspas a ngimmato ti gatad ti imports ngem exports, segun iti ayon Philippine Statistics Authority (PSA).
Nupay kasta, nairekord ti pagilian ti kangatwan nga export sales manipud idi 1991, nga immabot iti $8.77 billion, nga indaulwan dagiti electronic product.
Ti Amerika ti nagbalin a kangrunaan a destinasion dagiti produkto a nai-export ti Pilipinas.
Kabayatanna, ngimmato met iti $13.71 billion ti gatad dagiti import, a ti electronic products ti adda kadakkelan a pasetna, idinto a ti China ti kangrunaan a pagal-alaan iti maang-angkat a produkto.
Iti umuna nga innem a bulan ti 2026, ngimmato iti 26 percent ti trade deficit, katukad iti $30.81 billion, idinto nga agpada a nakairekord iti kangatwan nga export ken import values para iti nasao a panawen sipud nangrugi ti serye ti PSA idi 1991.
