Trade deficit ti Pilipinas, bimmassit iti $3.85 billion idi Agosto

Bimmassit ti trade deficit iti $3.85 billion idi Agosto 2026, uray no dimmur-as ti negosio iti Pilipinas, ken maibilang daytoyen a kababaan iti nasurok maysa a tawen.

Ngimmato iti 28 a porsiento ti export, katukad iti $9.11 billion, a kangrunaan nga aggapgapu kadagiti electronic product.

Kabayatanna, ngimmato iti 17 percent ti imports, katukad iti $12,96 billion, a kangrunaan met laeng nga aggapgapu kadagiti electronic product ken imported goods manipud China.

Nupay kasta, manipud Enero agingga Agosto, ngimmato iti 26 percent ti trade deficit, katukad iti $41.56 billion, uray immabot iti record high ti exports ken imports.