VIGAN CITY – Nangiparuar ni Ilocos Sur Governor Ryan Singson ti Executive Order a mangsuspenso iti trabaho kadagiti government offices inton February 2 kas panangilagip iti pannakaisina ti Ilocos Sur tapno agbalin nga independent province.
Iti nasao met laeng nga aldaw ket marambakan iti Kannawidan Ylocos Festival iti naidumduman a wagas ta isu ti maysa kadagiti kasayaatan a gundaway tapno maital-o latta ti nabaknang a kultura ken tradisyon ti Kailokuan uray no tiempo ti pandemya.
Babaen ti nasao a parambak ket maisayangkat dagiti nadumaduma nga aktibidad a kas koma ti Saniata ti Ylocos 2021 a maipabuya laengen iti online.
Nupay kasta, maal-allukoy dagiti nga empleyado ti government sector a tumulong kadagiti local government tapno maipasagepsep iti kinapateg ti Kannawidan Ylocos Festival iti baet dagiti restriksyon nga epekto ti naipatungpal a community quarantine.
