VIGAN CITY – Mamati ti political analyst a ni Ramon Casiple a saan a maka-apektar iti panagserbi ni Presidente Rodrigo Duterte iti sagsagabaen na a sakit iti duri na agsipud ta saan met a nakaro iti pannaka-aksidente na idiay Malacañang kabayatan iti panagmaneho na iti motorsiklo.
Ti pannaki-uman ti Bombo Radyo Vigan ken ni Casiple, nadakamat na a saan a kasapulan ni Presidente Duterte iti agpagna-pagna kadagiti op-opisina agsipud ta iti kangrunaan a trabaho na ket agdesisyon kadagiti naduma-duma a banag isu’t gapu na a saan a rumbeng a pagdanagan iti publiko iti ag-agalen na a sakit iti duri na.
Innayon na pay a lakay iti presidenten ket idi damo na pay laeng iti agtakem ket nadakdakamat nan nga adu dagiti sagsagabaen nan a sakit.
Maipalagip nga idi naminsan nga aldaw, nagawid nga insigida ditoy pagilian iti presidente kalpasan a naimatangan na iti pannakaipatugaw iti puwesto ni Japanese Emperor Naruhito ta nagsakit iti duri na ket apektaran na iti sibet na.
