--Ads--
VIGAN CITY- Umaboten iti limapulo ket tallo ti bilang dagiti natay idiay India gapu iti kontaminado nga illegal nga arak.
Segun ti Chief Minister ti Tamil Nadu state a ni M.K. Stalin, ti locally brewed drink ket naikkan iti makasabidong a methanol, a nakatayan ti tallopulo ket pito iti las-ud ti sumagmamano nga oras kalpasan nga imminomda.
Tapno mapaadu ti potency ti arak, masansan a manaynayunan iti methanol a mabalin a pakaigapuan ti panagbulsek, pannakadadael ti dalem ken ipapatay.
Ginasut a tattao ti matmatay iti kada tawen idiay India gapu iti nalaka nga arak a naaramid kadagiti backstreet distilleries, ngem ita a tawen iti kakaruan no iyarig kadagiti napalabas a tawen.
-- ADVERTISEMENT --
