--Ads--
VIGAN CITY- Binigbig ti Police Regional Office- 1 iti maysa a tourist police ti Bantay municipal police station gapu iti napintas a pagwadan nga ipakpakita na kadagiti pada na a pulis ken dagiti turista a bumisbisita iti lugar.
Ti impormasyon a naala ti Bombo Radyo Vigan, naamuan a naikkan iti plaque of recognition ni PO3 Dante Piano gapu ti napintas a pannakilangen na kadagiti turista, local man wennu dagiti foreigner a mapmapan idiay Bantay bell tower a maysa kadagiti sikat a tourist destination ti Ilocos Sur.
Malaksid iti panagserbi ni Piano kas peace-keeper iti lugar, nu dadduma ket isuna pay iti agserserbi a photographer ket nagviral pay ta napipintas dagiti anggulo a picturen na a maiyarig iti maysa a professional photographer.
-- ADVERTISEMENT --
