--Ads--
VIGAN CITY – Innem a tourist police bike iti naipaima kadagiti kameng ti Vigan City police station ken Santiago municipal police station.
Dagiti nasao a bike ket naggapu ti provincial government ti Ilocos Sur nga idaulwan ni Governor Ryan Singson.
Babaen kadagiti bike ket naan-anay a makapagpatrolya dagiti pulis kadagiti naduma-duma a tourist destination iti syudad ti Vigan ken idiay ili ti Santiago ken tapnu mabantayan iti kappia, linak ken talna, kata payen iti seguridad iti aglawlaw.
Agsipud iti dayta, nagyaman ni Ilocos Sur Police Provincial Office provincial director Police Col. Emmanuel Reyes iti suporta ti gobernador iti kapulisan ditoy probinsiya.
-- ADVERTISEMENT --
