Namnamaen ti Ilocos Sur Provincial Tourism Office a mapapigsa ti tourist arrival ita a bulan babaen kadagiti aktibidad nga isaysayangkat ti probinsia.
Iti pannaki-uman ti Bombo Radyo Vigan ken ni Provincial Tourism Officer John Noel Andaya, babaen iti pannakaisayangkat ti Cabugao National Surfing Championships a dagiti participant ket aggapu iti nadumaduma a paset ti pagilian ken ti kaadda ti ONEderland Christmas village ket manamnama ti yaadu dagiti tattao a mabalin a makatulong a mangparegta iti industria ti turismo.
Adu dagiti maidiaya a workshop iti nasao a christmas village kadagiti ubbing, rides, ken dagiti spot a mabalin a pagpicturan.
Inlawlawag ni Andaya a libre ti sumrek iti christmas village ngem masapul a saan a nakainom iti arak, saan nga agsigarilyo, awan ti maitugot a taraken a dingwen ken awan ti patadem.
Alas sais iti rabii a malukatan ken agpatingga agingga alas dyes iti rabii.
