VIGAN CITY – Nagdesisyonen ti Austrian government nga ipatungpal ti total lockdown inton Lunes agingga December 12 kadagiti amin a nabakunaan ken saan gapu ti umad-adu a kaso ti Covid19 ta manipud iti 14k cases a nairekord idi damo ket nagbalinen a 15k.
Iti pannaki-uman ti Bombo Radyo Vigan ken ni Maureen Amano, healthcare worker idiay Austria, mapilitan ti gobiernoda a mangilockdown iti pagilianda numan pay saanda koma a kayat ta adu dagiti maapektaran a negosyo ken mapukawan iti trabaho ngem kasapulan tapno saanen nga agsagaba ti healthcare system-da.
Awan ti mapalubosan a rumuar malaksid laeng kadagiti mangmangged ken dagiti mapan mang-access iti essential a pagkasapulanda ngem no saan a dagitoy iti rason ken mabalin a mamuelta.
Kabayatanna, adu pay laeng dagiti kontra iti bakuna nga isu ti kasapulan ita a bantayan ti gobiernoda ket inton February 2022, posible a maipatungpal ti mass vaccination wenno ti inkapilitan a panagbakuna kadagiti residente uray saanda a kayat.
Gapu ti dayta, adu dagiti nangplanplano manen a mangaramid iti rally tapno kontraen ti posible a mass vaccination ti Austria.
