Total lockdown idiay Kuwait, agingga inton March 26 laengen

VIGAN CITY – Awan iti pagkunaan ni Bombo International Correspondent Emil Botacion, maysa nga Overseas Filipino Worker idiay Kuwait, kadagiti tattao iti nasao a pagilian kabayatan iti pannakai-lockdown ti lugar gapu ti coronavirus outbreak 2019.

Segun ken ni Botacion, awan dagiti tattao nga agwara-wara iti kalsada ta naka-self-quarantine da amin.

Agingga inton March 26 laengen iti pannakaipatungpal ti total lockdown idiay Kuwait ngem nainget latta iti panagbantay dagiti pulis tapnu masigurado nga awan dagiti aglabsing.

Nu adu met dagiti tattao nga adda iti ruwar ta mapan da aggatang kadagiti kasapulan da, adda ti drone a maipatayab nga adda speaker na ket ipalagipto metten dagiti pannakabagi ti linteg kadagiti tao a maiparit iti agbayag iti ruwar.