VIGAN CITY – Total cleansing kadagiti recruitment agency iti namnamaen ni ACT- OFW Partylist Rep. John Bertiz a mapasamak nu maipatakderen ti Department of Overseas Filipino Workers.
Babaen iti pannaki-uman ti Bombo Radyo Vigan, naibaga ni Bertiz a makitan a naimbag nu siasino dagiti legal recruitment agency a mabalin a pagaplikaran dagiti tattao a kayat na iti mapan agtrabaho idiay ballasiw taaw ngem kinunana a saan laeng a ditoy pagilian iti pangpaingetan da iti pagannurutan ngem ketdi pati dagiti pagilyan a papanan dagiti OFW tapnu masigurado nga awan iti parikot kadagiti employer da.
Inlawlawag na a babaen iti singasing a maipatakder iti nasao nga ahensya para kadagiti OFW ket makibiyangen dagiti local a gobyerno iti sigurado a recruitment dagiti kayat na iti mapan agtrabaho iti sabali a pagilian tapnu maliklikan dagiti mabiktima ti illegal recruitment.
Maisakup ton iti maipatakder a baro nga ahensya ti Department of Overseas Filipino ti POEA, OWWA, Office of the Undersecretary for Migrant Workers, National Reintegration Center for OFW ken Commission on Filipino Overseas tapnu maymaysan nga ahensya iti mangkita kadagiti amin nga overseas Filipino.
