VIGAN CITY – Imbingay ti Rank 1 iti Architecture Licensure Examination ti University of the East – Caloocan graduate a ni Sherilyn Reyes Baniago, taga-Meycauayan, Bulacan dagiti kapadasanna manipud iti panagbalinna nga estudiante agingga iti panagbalinna a topnotcher.
Iti pannaki-uman ti Bombo Radyo Vigan ken ni Baniago, narigat ti agbalin nga architecture student ta adda pay dagiti panawen a sinangsangitanna ngem kunana nga isu ti nagbalinen a passion na ken nakasapulanna iti self-fulfillment.
Kunana nga adda pay dagiti panawen a kayatnan ti sumuko ngem kaasi iti Apo ket nakabiruk latta iti rason tapno ituloyna ti narugianna.
Maysa kadagiti ibilangna a kadakkelan a karit a sinangona ket ti burnout ken mental battle ngem kunana a masapul laeng ti agtalek iti bagi ken it proseso.
Nuoay kasta, pinagyamananna met ti Namarsua gapu ta saanna a ninamnama ti panagbalinna a rank 1 ken uray dagiti gayyem ken pamiliana a nangsuporta kenkuana.
Iti agdama, busbusenna pay laeng ti orasna iti pamilia ken iti bagina sakbay nga agaramid iti dakdakkel a desisyon para iti professional careerna.
