VIGAN CITY – Nakemmeg ti Top 8 Most Wanted person iti provincial level idiay Brgy. Saoang, San Juan.
Segun ti San Juan Municipal Police Station, ti akusado ket ni German Rabbon Robillon, agtawen ti uppat a pulo ket dua, naasawaan nga agnaed idiay Brgy. Pangada, Sta. Catalina.
Ti pannakemmeg ti akusado ket babaen ti bileg ti warrant of arrest nga inruar ti Regional Trial Court Branch 24, Cabugao a napetsaan idi kalman gapu iti panaglabsingna iti tallo a bilang para ti panaglabsing ti Section 5 B iti Article 3 ti Republic Act 7610 ken Statutory Rape.
P400,000 iti nairekomendar a pyansana para iti tallo a bilang ti RA7610 ken awan ti gatad ti pyansa a nairekomendar para iti statutory rape.
Naipan iti RHU San Juan ti akusado para ti medical examination ngem insigida met laeng a naiyakar iti San Juan Police Station para ti documentation.
