Top 5 Most Wanted Person iti ili ti Sta. Maria, nakemmeg

VIGAN CITY – Maysa a Top 5 Most Wanted person ti Sta. Maria Municipal Police Station ti natiliw babaen iti Oplan Pagtugis idiay Brgy. Baliw Laud, Sta. Maria.

Nabigbig ti suspek a ni Manuel Garcia, agtawen iti walopulo ket maysa, SSS pensioner nga agnaed iti nasao a lugar.

Sumangsango ti suspek iti kaso a Concubinage nga adda iti PHP30,000 a nailatang a pyansa para ti pannakawayawayana.

Ti warrant of arrest-na ket napetsaan iti July 13, 2021 nga imparuar ni Acting Presiding Judge Jaime Duran Bugain iti MCTC, First Judicial Region, Sta. Maria-Burgos, Ilocos Sur.