VIGAN CITY – Nakemmeg ti Top 4 Municipal Level a wanted person idiay Brgy. Camestizoan, Sto. Domingo.
Segun ti Sto. Domingo Municipal Police Station, ti akusado ket ni Reginal Tadeja Jaramillo, agtawen iti uppat a pulo ket uppat, naasawaan nga agnaed idiay Brgy. Borobor, Sto. Domingo.
Kinemmeg dagiti pannakabagi ti linteg ti akusado gapu iti kasona a Cybercrime Prevention Act of 2012 Paragraph 4 Section 4 iti Chapter 11 ti RA 10175 babaen ti bileg iti warrant of arrest nga inruar ti Acting presiding judge iti RTC Branch 21 a napetsaan idi June 10, 2022 ket nairekomendaran iti pyansana a P48,000.
Naipan iti Magsingal District Hospital ti akusado para iti medico legal examination ngem naipan met laeng ti kustodiya dagiti pannakabagi ti linteg tapno dumalan ti husto a proseso.
