VIGAN CITY – Nakemmeg idiay Brgy. San Juan, Candon City ti Top 4 most wanted person iti siudad.
Segun iti Candon City Police Station, ti naakusaran ket ni Mark Oniell Alviento Valdez, agtawen iti duapulo ket uppat, baro, laborer nga agnaed idiay Brgy. Paypayad iti nasao a siudad.
Ti panagtitinnulong dagiti pannakabagi ti linteg, nakemmeg ti akusado babaen ti bileg iti warrant of arrest gapu iti kasona a 2 counts iti Lascivious Conduct iti salinong iti Sec 5 iti RA 7610 nga inruar iti RTC Branch 8-FC, Candon City a napetsaan idi February 28 iti agdama a tawen ken nairekomendaran iti P200,000 a gatad para iti temporaryo a pannakawaya-wayana.
Ti akusado ket addan iti kustodiya iti Candon City Police Station para iti documentation inaig iti panagparangna iti korte.
