VIGAN CITY – Nakemmeg ti dua a wanted person a mabilang a Top 3 Municipal Level ken Top 4 municipal level iti agsina nga operasyon iti ili ti Magsingal.
Immunan a nakemmeg ti akusado a ni John Christian Tamayo, agtawen iti duapulo ket maysa nga agnaed iti nasao nga ili gapu ti kasona a statutory rape iti revised penal code kas naamyendar ti RA 8353 nga awan ti nairekomendar a pyansana ken Lasciviousness Conduct iti salinong ti section 5 iti RA 7610 nga adda nairekomendar a pyansana nga aggatad iti P180,000 para iti temporaryo a pannakawaya-wayana.
Simmaruno a nakemmeg ti top 4 municipal level a ni Jayson urro Marquez, agtawen iti duapulo ket lima nga agnaed met la iti nasao nga ili babaen ti bileg iti warrant of arrest a napetsaan idi September 6, 2022 nga inruar ti RTC Branch 24 gapu ti kasona met laeng a statutory rape nga awan iti nairekomendar a pyansada.
Dagiti nasao nga akusado ket addan iti kustodiya iti Magsingal Police Station para iti documentation ken proper disposition.
